Nyuma y’uko hatangajwe urupfu rwa Steve Jobs umuhanga mu bya mudasobwa umwe mu bashinze uruganda rwa Apple, hatangajwe amakuru menshi ku mbuga za internet avuga ko ngo yaba yarishwe n’indwara ya Sida.

Steve Jobs mu minsi ye yanyuma. Ni uwo wambaye umukara

Nk’uko 7s7 yabitangaje, amakuru menshi yagaragaye ku rubuga rwa wikileaks na twitter yemeza ko ngo yaba yari arwaye Sida, aya makuru ariko ntiyahawe agaciro kuko ngo nta gihamya bari bafite.

Impapuro zo kwa muganga za Steve zo mu mwaka w’2004 ngo zagaragaje ko arwaye Sida. Wikileaks ivuga ko kuba yaravuze ko yari arwaye cancer y’igicamakoma ari ibisanzwe kuko n’ubundi iyo ari indwara ifata cyane abarwayi ba Sida.

Wikileaks rero yemeza ko Steve yari arwaye Sida kuko ngo yanafataga amafunguro asanzwe agenerwa abarwayi bayo.

N’ubwo wikileaks ibihamya ariko, urubuga gawker.com rwo ruvuga ko impapuro zo kwa muganga Wikileaks ivuga ari izo mu mwaka w’2006 kandi nomero ziriho nta cyemeza ko zari iza Steve. Ngo izo mpapuro zaba ari impimbano zakozwe kugirango bace intege enterprise ye dore ngo ifite iterambere rihambaye.

Kuri aya makuru umuryango wa Steve nta byinshi wavuze gusa watangaje ko ibyo ari ukujya mu buzima bwite bw’umuntu.